5 bonas rasons de venir a la Dintrada 2016

Written by Published in Non classé
2525La Dintrada, 24-25 de setembre de 2016 a Pòrt-Leucata (Lengadòc)
Coorganizada par le Partit Occitan e l’Aliança Liura Europenca, la Dintrada se vòl l’Universitat de dintrada de l’occitanisme, doncas dubèrta a tots. O tornam dire, es un luòc per escambiar !  S’es pas una rason sufisenta per vos mobilizar, vos prepausam -a la mòda oèb marketing- aquestas 5 bonas rasons de venir a la Dintrada 2016 :

1 : L’edicion 2015 foguèc un succès,

fòrça dels 150 participants nos o diguèron. Se tornam prene las conclusions que faguèc nòstre conselhèr regional en region Occitanie, Patric Roux : “Sens tornar aquí suls debats, la qualitat e l’extrèma assiduitat dels participant-as, la qualitat e la fraternitat dels escambis (dedins e defòra) an tanben constituit un element de mençonar (…) La Dintrada foncionèt perque s’es trobada naturalament en fasa amb çò que totas e tots les militants de l’occitanisme ressentissián : le besonh de confrontar nòstres fondaments amb la realitat de nòstre environament, la realitat de la crisi politica, culturala, environamentala que tresvira a granda vitessa lo pensament, les mitjans e las capacitats d’accion. »

11921775_10207784551001172_4486013003294945536_o

2 : Vendrà un candidat a l’eleccion presidenciala !

Òc , un candidat a l’eleccion presidenciala representarà la majoritat dels partits autonomistas, regionalistas e federalistas de França. Christian Troadec, sostengut per la federacion de partits “Regions e Pòbles Solidaris”, vòl far dintrar las questions de la descentralisacion dins le debat. Le breton serà tanbens la velha divendres 23 de setembre a Traussan Mererbés per reçaupre le sosten de cònses occitans.

img_1257

3 : Vos ofrissèm le dinar !

La participacion a la jornada del dissabte es a gratis, coma le dinar. Vos demorarà sonqu’a trapar un coveituratge per venir per pas tròp car. Per aquelis que vòlon demorar un pauc mai, la serada del dissabte serà una autra escasença de viure un moment convivial.
11220888_10206837174082164_2941470103959980618_n

4 : Encontrar les responsables !

Nòstre editò le rampèla : “quitament se totas las taulas redondas son pas suls subjèctes polemics mai estimats dels occitanistas, los poiretz metre sus la taula al moment de l’aperitiu o a la pausa del cafè ! Avèm invitat les elegits occitans a expausar lor trabalh.”

11990429_10206843343516396_2672965221107850812_n-1

5 : Farem mai que charrar :

l’edicion 2015 nos permetèt de téisser de relacions amb de personalitats que conéissian pas las questions occitanistas.  Tanben, es una escasença rara de trapar las ressorgas umanas per vòstres projèctes occitans. Passatge a l’accion concrèta le dimenge : de talhièrs pagmatics son prepausats per mediatizar las vòstras revendicacions suls malhums socials e per participar activament a l’eleccion presidenciala.

En bònus… 6 : L’encastre val la pena :

la Dintrada se debana a Pòrt-Leucata entre la plaja e le pòrt, òm pòt quitament vèire la mar dempuèi le luòc ! E se quicòm vos tarufa o vos enuèja, una cabuçada dins l’aiga vos farà tornar le vam e l’enveja.

11062648_10207784625043023_5744417139901323428_o

Per se marcar, es aqui, vos demòra sonque qualques jorns : www.ladintrada.eu

admin

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *